Skip to Content

Forsíða

  • Þriðjudagur, 15. júní 2021 - 8:54
    Golfnámskeið á Strönd

    Nú er um að gera að nýta sér tækifærið

    Margeir Vilhjálmsson verður með golfkennslu á Strönd

    Golfnámskeið á Strandarvelli  20. og 28. júní

    Kennari: Margeir Vilhjálmsson

     

    Eins dags námskeið

    Dagskrá 10:00-11:00 - járnahögg og drive

    11:00-12:00 - stutta spilið og pútt

    12:00-13:00 – hádegishlé

    13:00 -15:00 spilkennsla á vellinum

    Verð: 20.000 kr.

    Innifalið: golfkennsla, æfingaboltar, vallargjöld á golfvelli.

    Skráning hjá margeir@golfnamskeid.is eða á ghr@ghr.is

     

  • Laugardagur, 3. apríl 2021 - 12:54
    Golfbílar og rafhjól eru ekki leyfð á Strandarvelli

    Vinsamlegast ATH að golfbílar og rafhjól eru ekki leyfð á Strandarvelli

  • Miðvikudagur, 31. mars 2021 - 11:08
    Snjór yfir Strandarvelli

    Snjór er yfir Strandarvelli og ekki spilafært

    þeir sem hafa skráð sig á rástíma og greitt fyrir fá endurgreitt með því að senda póst á ghr@ghr.is það verður gengið frá því 6 apríl

    Gleðilega páska

  • Föstudagur, 5. mars 2021 - 10:05
    Aðalfundur GHR

    Aðalfundur GHR var haldinn fimmtudaginn 4.mars 19 mættu á fundinn.

    Fundarstjóri var Bjarni Jónsson

    Stjórnin er óbreytt Óskar Pálsson var endurkjörinn formaður, verður þetta 21 árið hans sem formaður GHR

    Stjórnin gaf öll kost á sér áfram nema Katrín Björg Aðalbjörnsdóttir gjaldkeri, engin fékkst í hennar stað, óskir komu um að hún héldi áfram sem hún samþykkti.

         Breytingar urðu í kappleikja-og félaganefnd, Steinar Tómasson tók við af Heimi Hafsteinssyni sem formaður nefndarinnar Loftur Þór Pétursson og Svavar Hauksson gáfu ekki kost á sér áfram, Guðmundur Ingvarsson kom nýr í nefndina. Breytingar urðu einnig á barna-og unglinganefnd Óskar Eyjólfsson gaf ekki kost á sér áfram í hans stað kom Yngvi Karl Jónsson og í forgjafarnefnd kom inn Kristín Bragadóttir í stað Guðjóns Bragasonar. Aðrar nefndir eru óbreyttar.

    Formaður las skýrslu stjórnar og fór yfir það helsta sem gerst hafði á árinu, þakkaði starfsfólki, stjórn og nefndarmönnum fyrir vel unnin störf á árinu og bauð nýja menn velkomna.

     

    Stjórnina skipa

    Formaður:       Óskar Pálsson

    Varaformaður: Einar Long

    Gjaldkeri:        Katrín Björg Aðalbjörnsdóttir

    Ritari:              Bjarni Jóhannsson

    Meðstjórnandi: Guðný Rósa Tómasdóttir

     

    1. varamaður: Guðlaugur Karl Skúlason

    2. varamaður:  Friðrik Sölvi Þórarinsson

     

     

  • Föstudagur, 9. október 2020 - 14:27
    COVID-19

    Samkvæmt fyrirmælum sóttvarnarlæknis og almannavarnardeildar ríkislögreglustjóra eru íþróttafélög á höfuðborgarsvæðinu beðin um að gera hlé á öllum æfingum og keppni í tvær vikur, frá deginum í dag til 19. október. Félögin eru jafnframt beðin um að fresta keppnisferðum út á land. Ákvörðunin er tekin í ljósi þess að smitum vegna Covid-19 hefur fjölgað verulega á höfuðborgarsvæðinu á síðustu dögum og líkur á veldisvexti smita í faraldrinum hafa aukist. 

    Viðbragðshópur Golfsambands Íslands beinir því hér mér til allra golfklúbba á höfuðborgarsvæðinu að loka golfvöllum sínum fram til 19. október, eða þar til ný fyrirmæli berast frá yfirvöldum. Nánar tiltekið er um að ræða golfvelli í Reykjavík, Kópavogi, Garðabæ, Hafnarfirði, Álftanesi, Seltjarnarnesi, Mosfellsbæ, Mosfellsdal og Kjalarnesi. 

    Þá beinir GSÍ þeim tilmælum til kylfinga á höfuðborgarsvæðinu að virða framangreindar takmarkanir og leita þannig ekki til golfvalla utan höfuðborgarsvæðisins, enda hafa yfirvöld beint því til höfuðborgarbúa að vera ekki á ferðinni til eða frá höfuðborgarsvæðinu meira en nauðsyn krefur. 

    Það er einlæg von Golfsambands Íslands að golfklúbbar og kylfingar hafi skilning á þessum tilmælum og bregðist við þeim þegar í stað. 

    F.h. viðbragðshóps GSÍ vegna Covid-19
    Brynjar Eldon Geirsson, framkvæmdastjóri GSÍ.  

  • Föstudagur, 9. október 2020 - 9:20
    Golfskálinn lokaður salernisaðastaða er opin

    Golfskálinn er lokaður en salernisaðstaða er opin

    við biðjum kylfinga um að virða allar sóttvarnarreglur 

     

  • Fimmtudagur, 1. október 2020 - 9:29
    Bændaglíma 3.okt

    Laugardaginn 3.okt er Bændaglíma GHR sem er holukeppni, þar eru valdir 2 bændur sem kjósa sér svo í lið. þetta er mjög skemmtilegt mót og hvetjum við ykkur félagana til þátttöku.

    Skráning er á Golfbox og byrjar mótið kl: 11:00. Við biðjum ykkur að mæta tímanlega þar sem þarf að kjósa í lið svo hægt sé að byrja á réttum tíma.